Զառանցանքային տրամադրություն - Շրջապատող մարդիկ, առարկաները և երևույթները դառնում են տարօրինակ, խորհրդավոր, տագնապահարույց, ամեն ինչ և ամեն ոք անխուսափելի փորձանք են ներշնչում։

Զառանցանքային ընկալում - Հարաճող տագնապն ու լարվածությունը, ստիպելով հիվանդին «հասկանալ» շուրջը կատարվող փոփոխությունները, բերում են նրան, որ հիվանդը մեկնաբանում է իր անձի հետ կապված երևույթները, «տեսնում է» ամենի իմաստն ու նշանակությունը։

Մտածողության խանգարումներ` զառանցանքային պատկերացում - Ընկալած երևույթների մեջ հիվանդը փնտրում և գտնում է նոր իմաստ և բովանդակություն, որի հիման վրա սկսվում է մեկնաբանվել ամեն ինչ, այդ թվում նաև՝ անցյալը։

Մտածողության խանգարումներ` զառանցանքի կրիստալիզացիա - Հիվանդի համար հասկանալի և ըմբռնելի է դառնում, ի վերջո, աշխարհում կատարվող իրադարձությունների հատուկ նշանակությունը, իմաստը, տեղն ու արժեքը։ Հիվանդի խառնաշփոթ մտքերը վերջապես «պարզվում են», ամեն ինչ դառնում է «տրամաբանորեն հասկանալի»։

Մտածողության խանգարումներ` զառանցանքի մեղմացում - Բնութագրվում է ակտիվ զառանցանքի աստիճանական մեղմացմամբ, քննադատական վերաբերմունքի վերականգնմամբ,

Մտածողության խանգարումներ` մնացորդային զառանցանքը - Դիտվում է սուր շրջանից դուրս գալուց հետո և բնութագրվում այդ շրջանի գանգատների վերապրումով, դրանց նկատմամբ ոչ քննադատական վերաբերմունքով։ Միաժամանակ, վարքի, հույզերի և այլ հոգեկան դրսևորումների կողմից որևէ ախտաբանական նշան չի հայտնաբերվում։

Հոգեբուժություն
Ս.Հ. Սուքիասյան, Ս.Պ. Մարգարյան
Տեղեկատվություն: med-practic.com